Սիրելի՛ հայրենակիցներ, շնորհավորում եմ ձեզ այս բացառիկ տոնի կապակցությամբ: 1918թ. մայիսի 28-ին հայ ժողովուրդը հաստատեց ամուր պետականություն ունենալու իր իրավունքը, մայիսյան հերոսամարտով կասեցրեց Արևելյան Հայաստանում ապրող հայերի բնաջնջումը: Հուսահատության ու արնաքամության անդունդի եզրին կանգնած հայ ժողովուրդը իր վերջին ճիգերը գործադրեց ու հաղթանակ տարավ Ղարաքիլիսայի, Բաշ-Ապարանի և Սարդարապատի ճակատամարտերում՝ իրապես փոխելով հայերիս ճակատագիրը՝ ընձեռելով հնարավորություն հավերժացնելու մեր տեսակը, ապրելու և արարելու սեփական երկրում, կերտելու սեփական պետություն:
Այս հաղթական օրով ցանկանում եմ, որ մեր նահատակների պաշտպանած երկրում լինենք միասնական և ապագայի հանդեպ հավատով լի:
Комментариев нет:
Отправить комментарий