Իրավապաշտպան Արտակ Գալստյանը իր էջում գրել է։

500-ԻՑ ԱՎԵԼԻ ՀԱՆՁՆԱԺՈՂՈՎՆԵՐՈՒՄ, ՆԱԽԱԳԱՀ ԵՆ ԴԱՐՁԵԼ ՀՀԿ ԱՆԴԱՄՆԵՐԸ

Հարգելի պ-ն Է. Մարտիրոսյան, ես որպես իրավապաշտպան տարբեր մարզերից ամենօրյա ռեժիմով մեր քաղաքացիներից ստանում եմ մոտ 300-ից ավել նամակներ:

Բոլորը անհանգստացած են հանրաքվեի կազմակերպման գործնթացից:

Մարզերից և Երևանից ստացված տեղեկությունների ամփոփման ընթացքում, ստացվել է հետևյալ պատկերը, 500-ից ավել, հանրաքվեի ընտրական հանձնաժողովի նախագահներ են դարձել ՀՀԿ անդամները, քանի որ հանձնաժողովի նախագահներն էլ ընտրվում են ձայների մեծամասնությամբ, ողջամտորեն կարելի է ենթադրել, որ վերը նշված հանձնաժողովներում մեծամասնություն են կազմում ՀՀԿ-ականները:

Վստահ եմ, որ ես չէ, որ Ձեզ պետք է բացատրեմ, թե ինչ վտանգներով է հղի նման իրավիճակը:

Կխնդրեի Ձեզ, որպես ՀՀ ԱԱԾ տնօրենի Ժ/Պ ստուգել սույն տեղեկատվությունը և հնարավորինս չեզոքացնել ազգային անվտանգությանը սպառնացող առերևույթ վտանգը և հայտնաբերել հեղափոխության արժեքների այն դավաճաններին, ովքեր թույլ են տվել նման իրավիճակի կայացումը:

Կարծում եմ, որ սույն հանգամանքը ավելի մեծ սպառնալիք է ՀՀ ազգային անվտանգությանը 

քան Սերժի մնացորդ Արթուր Դավթյանի անօրինական ցուցումների հետևանքով, վերջինիս հրաժարականը պահանջող  իմ  և փաստաբան Սուսաննա Սարգսյանին  լռեցնելու անհաջող փորձերը:

Ավելացնեմ նաև, որ իմ սուբյեկտիվ կարծիքով  Արթուր Դավթյանի հետագա պաշտոնավարումը, ազատության մեջ գտնվելը,  խաթարում է ՀՀ ում արդարադատության բուն էությունը, ռեալ սպառնալիք է ստեղծում ՀՀ ազգային անվտանգությանը և այդ պատճառով, կրկին անգամ պահանջում եմ Սերժի մնացորդ Արթուր Դավթյանի հրաժարականը:

Բարի ծառայության մաղթանքներով

Արտակ Գալստյան