«Իրավիճակը մեր մարզում վերահսկվում է ՀՀ առողջապահության նախարարության, հիվանդությունների վերահսկման ու կանխարգելման ազգային կենտրոնի կողմից:
Արտակարգ իրավիճակի պայմաններում պարետի ցուցումների կատարման ու վարակի տարածման կանխարգելմանն ուղղված միջոցառումների ապահովումը գտնվում է իմ շուրջօրյա ուշադրության կենտրոնում:
Հորդորում եմ զերծ մնալ կեղծ կամ չճշտված տեղեկատվություն տարածելուց և հետևել միայն պաշտոնական լրահոսին:
Խնդրում և հորդորում եմ հետևել պարետի ցուցումներին/ սահմանափակումներին և մնալ տանը' դուրս գալով միայն խիստ անհրաժեշտության դեպքում:Մի վտանգեք Ձեր և Ձեր հարազատների առողջությունը և կյանքը»:
Ադրբեջանական զինուժն այսօր ժամը 19:00-19:30-ի սահմաններում տարբեր տրամաչափի զնատեսակներից կրակել է Տավուշի մարզի Նոյեմբերյանի տարածաշրջանի մարտական հենակետերի և Բաղանիս ու Ոսկևան գյուղերի ուղղությամբ:
Հակառակորդի գնդակից վիրավորվել է 2 պայմանագրային զինծառայող, ինչպես նաև Ոսկևան գյուղի բնակիչ 14-ամյա երեխա: Երեխային այս պահին վիրահատում են Նոյեմբերյանի բուժկենտրոնում:
Պաշտպանության նախարարի մամուլի քարտուղար Շուշան Ստեփանյանը «Լուրերին» ասել է, որ պաշտպանության նախարարությունը շուտով հանդես կգա հայտարարությամբ:
Կորոնավիրուսից մահացել է ֆրանսահայ քաղաքական գործիչ , նախկին նախարար՝ Պատրիկ Դևեջյանը.
Նախկին նախարար Պատրիկ Դեվեջյանը մահացել է «Կորոնավիրուսից»
Օ դը Սեի դեպարտամենտի նախագահ Դեվեջյանը 75 տարեկան էր: Պարոն Դեվեջյանը չորեքշաբթի օրը հոսպիտալացվել էր կորոնավիրուսով վարակվելու պատճառով:
«Ոստիկանները նրան կանգնացրել են: Վեճ է առաջացել, որը վերածվել է ծեծկռտուքի: Եղբայրս ձերբակալված է, ունի վնասվածքներ, այսքանը գիտեմ», — ասաց Գևորգ Կարապետյանը: Դեպքի մանրամասները ներկայացրեց Տիգրան Կարապետյանի փաստաբան Գուրգեն Հովհաննիսյանը: Ըստ նրա, ոստիկանները ստորացրել են և խոշտանգել են երիտասարդին: Նրա դեմ քրեական գործ է հարուցված Ք.Օ. 316-րդ հոդվածի երկրորդ մասով՝ իշխանության ներկայացուցչի նկատմամբ կյանքի կամ առողջության համար վտանգավոր բռնություն գործադրելը: Ահա, թե ինչ է պատմում փաստաբանը.
«Մարտի 27-ին, գիշերը Տիգրան Կարապետյանը ընկերոջ հետ նրա մեքենայով գնում է Օհանովի փողոցում գտնվող «Երևան-Սիթի» սուպերմարկետ, գնումների: Մինչ այդ մտնում է տուն, իմանում է, որ երեխան լավ չի, կոկորդը ցավում է: Էլ ո՞նց պետք է գնա փոքրիկ երեխայի հայրը՝ արագ քշում է, «Սիթիի» դիմաց կանգնում է, փողոցն անցնում է: Դեռ խանութ չմտած, գալիս են ոստիկանները քաղաքացիական հագուստով: Մեքենայով դեմը կանգնում են, բա՝ արա, էս ո՞նց ես քշում, ու հայհոյանք են տալիս: Նա էլ պատասխան է տալիս, թե դուք ո՞վ եք, որ ինձ հետ սենց եք խոսում: Դուրս են գալիս երեք հոգի, տշելով, ծեծելով փողոցը անցկացնում են, քարշ տալով, ընկերոջ մեքենան են նստեցնում, այդ ընկերոջն էլ են խփում: Ընկերը ոստիկանությունում ուրիշ ցուցմունք է տվել, գրել է, որ ընկել է, ոտքը վնասել է: Նա ծանոթներ ունի ոստիկանության համակարգում, իրեն ասել են՝ քեզ կպրծացնենք»:
Ըստ Գուրգեն Հովհաննիսյանի, Տիգրան Կարապետյանին մեքենայի մեջ ծեծել են, այլանդակել են, ինչի տեսանյութը կա քննչականում:
«Տղայի կոկորդին են կանգնել, հայհոյել են նրան, ինքն էլ է հայհոյել: Փորձել է ազատվել ոստիկաններից ու մեքենայի նեղվածքում ծնկով դիպչել է ոստիկաններից մեկիաչքին: Հետո մազերից քարշ տալով, տանում են ոստիկանություն, քցում են գետնին, երկու անգամ ուշքը գնում է, թքում են վրան, թքում են բերանին: Դա տեղի է ունեցել հենց ոստիկանության շենքի դիմաց: Տիգրանը ասում է՝ Նիկոլ Փաշինյանին եմ հասցնելու, ասում են՝ տո, ում ուզում ես, ասա, ու այլանդակ քֆուրներ են տալիս Նրան այն ժամանակ են նկարում, երբ որ նա հայհոյանք էտալիս: Այդ ամենը կա ոստիկանության կողմից արված տեսագրություններում», — պատմում է փաստաբանը:
Տիգրան Կարապետյանը հայտնել է իր փաստաբանին, որ քննչականի պետը ասել է իր աշխատակիցներին՝ սպասեք, սրան պետք է ստորացնել, տարեք զուգարան, ապա թքել է բերանին, դեմքին: Քրեականի պետը սպիրտ է լցրել Տիգրանի գլխին, ասելով՝ դեզինֆեկցիա եղիր, այ վարակ: Հետո սկսել են հարվածել դեմքին: «Այնքան էին սիլլում, որ հայհոյանք էի տալիս, ու մենակ իմ քֆուր տալն էր նկարում», — ասել է Տիգրանը իր փաստաբանին: Այնուհետև եկել է ոստիկանության Մալաթիայի բաժնի պետ Իգոր Մեսրոպյանը: Նա ասել է, դիմելով բերման ենթարկվածին՝ զզվում եմ, արա քեզանից, այ ժանտախտ: Նա մատով չի կպել Տիգրանին, սակայն ստորացրել է վերջին հայհոյանքները տալով՝ «մոր քֆուր, երեխու քֆուր»: «Նրանցից մեկն էլ իմ պաշտպանյալին ասել է՝ եկեք սրան փչացնենք, մի խփեք, տանենք զուգարան», — պատմում է Գուրգեն Հովհաննիսյանը՝ հավելելով, որ իր պաշտպանյալը գինովցած է եղել:
Ո՞րն է իշխանության ներկյացուցչի նկատմամբ բռնությունը, ինչո՞վ է հիմնավորվում մեղադրանքը: Մեր հարցին Գուրգեն Հովհաննիսյանը պատասխանեց. «Նա ընդամենը մեքենայի մեջ ուզել է ազատվել իրեն ծեծող, իր շարժումները կաշկանդող, իրեն հայհոյող անձանցից ու պատահաբար ծնկով դիպչել է ոստիկանի աչքին: Հիմա եկեք կանգնեցնենք իրար կողքի վնասվածք ստացած ոստիկանին ու Տիգրան Կարապետյանին, ու հասկանանք՝սա իշխանության ներկայացուցչի նկատմամբ բռնությու՞ն է, թե՞ քաղաքացու խոշտանգում: Տիգրանին խոշտանգել են, երկուշաբթի տանելու են կալանքի»:
Ըստ փաստաբանի, նշանակված է դատաբժշկական փորձաքննություն, որի համար Տիգրան Կարապետյանին ուղարկել են ոչ թե ոստիկանության համապատասխան կենտրոն, այլ հասարակ պոլիկլինիկա, ասելով, որ փորձաքննության համար իրենք պայմաններ չունեն:
«Ես չգիտեմ, թե այդ պոլիկլինիկան ապահովված է անհրաժեշտ սարքավորումներով, թե ոչ», — ասում է փաստաբանը: Այս պահին Տիգրան Կարապետյանը գտնվում է ձերբակալվածների պահման վայրում:
Հ.Գ. Լուսանկարներն ու սույ ն հոդվածը ուղարկել ենք ՀՀ ոստիկանության լրատվության և հասարակության հետ կապերի բաժին: ՀՀ ոստիկանապետի մամուլի եքարտուղար Աշոտ Ահարոնյանը պատասխանեց, որ մանրամասները պարզելուց հետո կարձագանքեն հրապարակմանը:
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ։ Աֆղանստանում, Լիբանանում և Կոսովոյում առաքելություն իրականացնող ՀՀ ՊՆ խաղաղապահ զորքերի զինծառայողներից ոչ ոքի մոտ նոր տիպի կորոնավիրուսի վարակման դեպք չի հայտնաբերվել։
«Արմենպրես»-ի հաղորդմամբ՝ «Ֆեյսբուք»-ի իր պաշտոնական էջում ուղիղ եթերի միջոցով ՀՀ պաշտպանության նախարարի մամուլի խոսնակ Շուշան Ստեփանյանը ներկայացրեց խաղաղապահ առաքելություն իրականացնող զինծառայողների առողջական վիճակը։ Նա Խաղաղապահ բրիգադի հրամանատար, գնդապետ Արտակ Տոնոյանի հետ միասին կապ հաստատեց Լիբանանում, Կոսովոյում, Աֆղանստանում գտնվող զինծառայողների հետ։
«ՀՀ զինված ուժերում շարունակվում են ձեռնարկվել հակահամաճարակային գործողություններ՝ կորոնոավիրուսի ներթափանցումն ու տարածում կանխելու նպատակով։Մենք նաև ցանկանում ենք ներկայացնել, թե ինչպես են կանխարգելիչ միջոցառումներ իրականացվում խաղաղապահ առաքելություն իրականացնող զորախմբերում»,- նշեց Շուշան Ստեփանյանը։
Գնդապետ Արտակ Տոնոյանն ընդգծեց, որ իրենք մշտական կապի մեջ են արտերկրում խաղաղապահ առաքելություն իրականացնող զորախմբերի հետ։
«Մենք մշտապես ստանում ենք համապատասխան տեղեկություններ մեր զինծառայողների առողջական վիճակի, իրականացվող ծառայության մասին, տիրապետում ենք իրավիճակին։ «Հանուն խաղաղության» ծրագրի շրջանակում տարբեր ուղղություններով մենք մասնակցում ենք առաքելության։ Աֆղանստանում և Կոսովոյում առաքելությունն իրականացվում է «ՆԱՏՕ»-ի հետ համատեղ։ ՄԱԿ-ի հովանու ներքո առաքելություն է իրականացվում Լիբանանում։ Զորախմբերում մշտապես իրականացվում են կանխարգելիչ միջոցառումներ և այս պահին որևէ վարակված, նույնիսկ կոնտակտավոր չունենք»,- ասաց Տոնոյանը։
Տեսակապի միջոցով Աֆղանստանի զորախմբի հրամանատար փոխգնդապետ Կարեն Թադևոսյանը ներկայացրեց, թե ինչպիսին է դրությունն իրենց մոտ և ընդգծեց, որ ներկայում խաղաղապահներն իրենց խնդիրն են կատարում։
«Մեր խաղաղապահներն իրականացնում են Աֆղանստանի Իսլամական Հանրապետության Մազար-Է-Շարիֆ քաղաքից ոչ շատ հեռու տեղակայված ռազմաբազաներից մեկի պաշտպանությունը։ Ներկա պահին վիրուսի հետ կապված ոչ մի խոչընդոտող հանգամանք չկա։ Զինծառայողներին բաժանվել են սպիրտային լուծույթներ, որպեսզի նրանք հնարավորություն ունենան հաճախակի ախտահանել իրենց ձեռքերը։ Մենք զորախմբում ունենք բժշկուհի, ով շատ հետևողական է ցանկացած հարցում։ Մեր ծառայությունն ընթանում է բնականոն հունով»,- ասաց Թադևոսյանը։
Կոսովոյի զորախմբի հրամանատար, մայոր Արմեն Սարգսյանը հայտնեց, որ ալկոգելով օրական ամենաքիչը 6-7 անգամ ախտահանումներ են իրականացվում։
«Մեր անձնակազմն ամբողջովին առողջ է, հրամանատարությունը կատարում է բոլոր միջոցառումները, որպեսզի կորոնավիրուսը չտարածվի։ Այստեղ մեկ հոգի, ոչ մեր անձնակազմից՝ ազգությամբ բուլղարացի, վարակվել է 3 օր առաջ, երբ վերադարձել է արձակուրդից։ Մեկ օր հետո նրան հոսպիտալացրել են և մեկուսացրել։ Մենք խուճապի չենք մատնվում և կատարում ենք մեր պարտականությունները»,- նշեց Սարգսյանը։
Լիբանանի զորախմբի հրամանատար, կապիտան Արտակ Պետրոսյանը տեղեկացրեց, որ զինծառայողների առողջական վիճակը գնահատվում է լավ, և կորոնավիրուսի տարածումը կանխելու համար պահպանվում են հիգիենայի բոլոր կանոնները։
«Իտալացիների կողմից այստեղ իրականացվել են դասընթացներ, թե ինչպես զերծ մնանք այդ վիրուսով վարակվելուց և տարածումից։ Ներկա պահին մեր անձնակազմը կատարում է հերթապահություն՝ դիմակներով և ձեռնոցներով։ Մենք ծառայություն ենք իրականացնում 24/7 ռեժիմով, ապահովելով անվտանգություն։ Մեր անձնակազմն ապահովված է բժշկական ձեռնոցներով, սպիրտով և դիմակներով»,- ասաց Լիբանանի զորախմբի հրամանատարը։
Այսօր՝ մարտի 17-ին, խոշոր ավտովթար է տեղի ունեցել Լոռու մարզում։ Ժամը 08։20-ի սահմաններում Սպիտակ-Վանաձոր ավտոճանապարհի՝ Նոր Խաչակապ գյուղի վարչական տարածքում բախվել են «ՊԱԶ 672» մակնիշի 35 ՏF 147 համարանիշի և Opel մակնիշի 36 AO 038 համարանիշի ավտոմեքենաները։
Ինչպես դեպքի վայրից հայտնում է ֆոտոլրագրող Գագիկ Շամշյանը, բախման հետևանքով «ՊԱԶ»-ը կողաշրջվել է։ 19 հոգի տարբեր աստիճանի մարմնական վնասվածքներով տեղափոխվել են Սպիտակի բժշկակակն կենտրոն։ Վիրավորներին առաջինը օգնության են հասել քաղաքացիները և օպերատիվորեն ժամանած Արտակարգ իրավիճակների նախարարության Փրկարար ծառայության Լոռու մարզային փրկարարական վարչության Սպիտակի հրշեջ-փրկարարները։ Վիրավորներից մի քանիսին հիվանդանոց են տեղափոխել Ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի ծառայողները՝ վաշտի հրամանատար Սմբատ Նորեկյանի, դասակի հրամանատար Գարիկ Մարտիրոսյանի գլխավորությամբ։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է ոստիկանության Սպիտակի բաժին, որտեղից ժամանել է օպերատիվ խումբը՝ բաժնի պետ Պետրոսյանի գլխավորությամբ։ Հետաքննչական աշխատանքները ղեկավարում է ՃՈ 2-րդ սպայական գումարտակի 4-րդ վաշտի ավագ հետաքննիչ Ստեփան Համբարյանը, ում կողմից փաստի առթիվ նյութեր են նախապատրաստվում։ Ոստիկանությունը պարզում է վարորդների և վիրավորների ինքնությունը։ Դեպքի վայրում հավաքվածներն ասում էին, որ «ՊԱԶ»-ի մեջ եղել են Վանաձորում գործող «Գլորիա» կարի ֆաբրիկայի աշխատակիցները։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
