Ազգային Վերահսկողական Դուխով Մարտիկներ նախաձեռնության
Նոր աղմկահարույց բացահայտումների շարքից
Հարգելի Վարչապետ`Նիկոլ Փաշինյան Ձեր ուշադրությանն եմ ներկայացնում
Մի երևույթի,որը արատավորում է բուժ անձնակազմի անունը և Ձեր։
--------------------------------------------------------------------------
Հրավիրում եմ Առողջապահության նախարարության, Սոցապ նախարարության, իրավապահների ու լրագրողների ուշադրությունը։
Երևանի 《Երկրորդ բուժմիավորման》 անձնակազմը ահազանգում է, որ կազմակերպության տնօրեն Տիգրան Խաչատրյանի ուղղորդմամբ պոլիկլինիկայի բուժքույրերի մարտ ամսվա աշխատավարձը պահվել է 30%-ով, իսկ բժիշկների աշխատավարձը դեռ չի վճարվել և պարզ չէ թե որքան ու երբ կվճարվի։
Պոլիկլինիկայի բուժանձնակազմը ենթադրում է, որ կորոնավիրուսային իրավիճակի հետևանքով նվազել է հիվանդանոցի վճարովի ընդունելությունների քանակը, և տնօրենը որոշել է պոլիկլինիկայի բյուջետային միջոցները ուղղել ընդհանուր միավորման ծախսերին։
Բժիշկներն ու բուժքույրերը չեն զգուշացվել, համաձայնություն չեն տվել, բուժքույրերի բողոքը տնօրենին մնացել է անտեսված, այս պահին բուժքույրերը դիմել են Առողջապահության նախարարություն։
Բուժանձնակազմին օրերս 《հասցրել》 են, որ այդպես են անելու և վերջ։
Ընդհանուր, լարված վիճակ է, նամանանավանդ համաճարակի համատեքստում, երբ բուժանձնակազմը աշխատանքի է հաճախում վարակի ռիսկի տակ ու բացառապես սեփական միջոցների հաշվին պաշտպանիչ միջոցներ (դիմակներ) գնելով, տրանսպորտի բացակայության պայմաններում՝ տաքսիներով՝ սեփական գրպանից։
Տիգրան Խաչատրյանը` ինքը հանդիսանում է Գեներալ Սեյրանի' հովանավորյալը ու բուժանձնակազմի հավաստմամբ երկար տարիներ տարբեր մեխանիզմներով կթել է ձեռնարկությունը ու հասցրել դեգրադացիայի ու անտերության վիճակի։
Կոչ ենք անում չանտեսել անարդարության բախվող մարդկանց հերթական խմբին, որովհետև քանի դեռ սերժի ու ռոբի հովանավորյալները շարունակում են իրենց՝ ինչպես հիմա ընդունված է ասել, հակապետական գործունեությունը, էս երկիրը երկիր չի դառնա։
Ազգային Վերահսկողական Դուխով Մարտիկներ նախաձեռնություն։ 27.04.2020
Комментариев нет:
Отправить комментарий