пятница, 19 июня 2020 г.

Ազգային Վերահսկողական Դուխով Մարտիկներ Նախաձեռնության հիմնադիր`Արա Հովհաննիսյանի հետ հարցազրույցի ընդացքում պարզվեց....

Բարև Ձեզ,Պարոն Հովհաննիսյան,ինչպես կմեկնաբանեք ներկայիս երկրում տիրող իրավիճակի մասին կոռոնավիռուսայւն համաճարագի վերաբերյալ։

Ա.Հովհաննիսյան-Բարև Ձեզ,շնորհակալություն հարցի համար։

Նախ և առաջ ցավով պետք է ասեմ,որ այո,իրոք այս համաճարագը ոչ թե միայն Հայաստանում է,այլ ամբողջ աշխարհով մեկ։Ես զարմանում եմ որոշ մեր հայրենակիցների վրա,որ ասում են սուտ է,նման բան չկա,քիչա իրենք թքած ունեն իրենց կյանքի ու առողջության վրա,չպահպանելով կանոնները,միհատել թքած էն ունենում դիմացինների կյանքի ու առողջության վրա։ Նաև խորհուրդ կտամ բոլորին,նման անգրագետ ու տգետներից հեռու մնան։

Պարոն Հովհաննիսյան լուրեր էն տարածվում,թե իբրև դուք ԲՀԿ ու նախկին ռեժիմի կողմնակիցն եք դարձել,հիասթաբվել էք ու երես թեքել,մի կողմնել ասում է թե կլորիկ գումարի դիմաց եք անցել նախկինների կողմը։

Ա.Հովհաննիսյան- կներեք դուք' Ձեզ` լսում եք՞, ու ոնց եք մտածում,մարդ ում երակների միջով հոսում է Մշեցու արյուն,մարդ' ո'վ ամբողջ կյանքում պայքարել է հանուն արդարության,ենթարկվել նախկինների կողմից բազմաթիվ հալածանքների,իր հայ ազգի ու ժողովրդի համար զենք վերցրել ու կյանքը վտանգելով ռազմի դաշտ գնացել։ Ու հանկարծ սկսեց դավաճանել՞ Միանշանակ նման լուրեր տարածողներին կարող եմ ասել անբարոյականի ժառանգա։

Ես' կյանքում,ոչ կոտրվել եմ ,ոչ կարող են կոտրել,ոչ էլ հեղաշրջել։

Ես եղել եմ կամ ու կլինեմ միշտ ժողովրդիս ու ժողովրդիս ընտրյալի կողքին։ Էնպես որ,Ձեզ էլ խորհուրդ կտամ զերծ մնաք ստահոդ լուրեր տարածողներից։

Ես սիրում եմ իմ տունը,իմ հայրենիքը իմ ժողովրդի իմ Վարչապետին։

среда, 17 июня 2020 г.

Քաղաքացիների դիմում-բողոքների քննարկման հանձնաժողովի աշխատանքը կկազմակերպվի համաճարակային իրավիճակի նկատառումով

17/06/202019:29

#ՊՆ #զորակոչ

2020թ. ամառային զորակոչի ընթացքում, ինչպես և նախորդ զորակոչերին, ՀՀ պաշտպանության նախարարին կից հասարակական խորհրդի հովանու ներքո գործելու է քաղաքացիների դիմումների և բողոքների քննարկման հանձնաժողովը:

ՀՀ պաշտպանության նախարարի հրամանով ձևավորված հանձնաժողովը կարևոր դերակատարում ունի զորակոչի գործընթացում: Այն հանձնառու է քննարկելու քաղաքացիների դիմումներն ու բողոքները, մասնակցելու դրանցում արծարծված խնդիրների լուծմանը, դիտարկելու զորակոչի ընթացքը, դրսևորվող միտումները, առանձնացնելու և ներկայացնելու ուշագրավ հարցերը:

2020թ. ամառային զորակոչի ընթացքում հանձնաժողովի աշխատանքը կկազմակերպվի համաճարակային իրավիճակի նկատառումով: Կձեռնարկվեն միջոցներ առողջական տեսակետից այն անվտանգ անցկացնելու համար: Մշտապես կախտահանվեն ու կօդափոխվեն աշխատանքային տարածքները, հանձնաժողովի անդամներին և քաղաքացիներին կտրամադրվեն ախտահաման ու պաշտպանիչ միջոցներ: Նիստերի մասնակիցների թիվը ողջամտորեն կսահմանափակվի, կկատարվի հանձնաժողովի անդամների կանոնավոր փոխարինում միմյանցով, նիստերը կգումարվեն առավել հաճախ` կրճատելով մեկ նիստի ընթացքում քննարկվող դիմում-բողոքների թիվն ու նիստերի տևողությունը, կպահպանվի անվտանգ հեռավորություն նիստի մասնակիցների միջև և այլն:

Ցավոք, լրատվամիջոցներր ներկայացուցիչները ստեղծված իրավիճակում չեն կարող մասնակցել նիստերին, ինչը ժամանակավոր նահանջ է հանձնաժողովի աշխատանքային սկզբունքներից: Այդուհանդերձ, լրատվամիջոցները կարող են հետաքրքրող տեղեկություններն ու մեկնաբանություններն ստանալ հեռախոսով: Նույն կերպ կպարզաբանվեն նաև քաղաքացիներին հուզող հարցերը` խուսափելով նրանց ընդունելությունից և անմիջական շփումից:

Դիմում-բողոքի քննարկմանը կարող են մասնակցել առավելագույնը երկու անձ` զորակոչիկն ու նրա ընտանիքի մեկ անդամ:

Դիմում-բողոքը պետք է գրել տանը, դրան կցել անհրաժեշտ փաստաթղթերը և ամբողջական փաթեթը հանձնաժողովին փոխանցել մեկ անձի միջոցով կամ ուղարկել փոստով:

Դիմում-բողոքներն ընդունվում են աշխատանքային օրերին` ժամը 10:00-ից, իսկ պարզաբանումների համար անհրաժեշտ է զանգահարել (010) 52-34-82 հեռախոսահամարով:

Համոզված ենք, որ յուրաքանչյուրի գիտակից ու պատասխանատու վարքով կապահովենք հանձնաժողովի բնականոն աշխատանքը:

ՀՀ պաշտպանության նախարարին կից հասարակական խորհրդի հովանու ներքո գործող վերոհիշյալ հանձնաժողովը քաղաքացիների դիմումների և բողոքների գլխավոր հասցեատերերից է և դրանց լուծման ամենաարդյունավետ օղակը:

Հանձնաժողովի գործունեության ամբողջ ընթացքում դրա ծառայությունից օգտվել են ավելի քան 3 հազար քաղաքացիներ: Նախորդ զորակոչին հանձնաժողովն ստացել է 111 դիմում-բողոք` անմիջականորեն մասնակցելով դրանցից 68-ում արծարծված խնդիրների լուծմանը: Հանձնաժողովի միջամտությամբ կատարվել են զորակոչիկների 21 ստուգողական բուժհետազոտություն և 2 վիրահատություն, որի շնորհիվ կարևոր տվյալներ են բացահայտվել նրանց հիվանդությունների և առողջական խնդիրների վերաբերյալ: Այդ առումով զգալի է նաև մասնավոր բուժհետազոտությունների դերը, որոնց տվյալները համադրվում են այլ հետազոտական տվյալներին և օգնում հանգելու առավել հիմնավորված եզրակացությունների:

Ընդհանուր առմամբ, վերանայվել են զորակոչիկների զինծառայության պիտանիության մասին 28 եզրակացություն, ըստ որոնց 18 զորակոչիկի տրվել է մինչև 1 տարի, 5-ին` 3 տարի ժամկետով տարկետում, 5-ը համարվել են զինծառայության համար ոչ պիտանի: Բացի այդ, 1 զորակոչիկի զորակոչն ընտանեկան հանգամանքների առնչությամբ առկախվել է:

ՊՆ-ն նշում է, որ չնայած այժմյան անսովոր իրավիճակին` քաղաքացիները կարող են վստահ լինել, որ հանձնաժողովը կաշխատի իրեն բնորոշ անաչառությամբ, հետևողականությամբ և խորաթափանցությամբ:

воскресенье, 14 июня 2020 г.

14 հունիսի 2020Բացահայտվել են ապօրինի ձեռնարկատիրական գործունեության արդյունքում պետությանը տասնյակ միլիարդավոր դրամների հասնող վնասի պատճառման դեպքեր

14 հունիսի 2020

Բացահայտվել են ապօրինի ձեռնարկատիրական գործունեության արդյունքում պետությանը տասնյակ միլիարդավոր դրամների հասնող վնասի պատճառման դեպքեր

ՀՀ ազգային անվտանգության ծառայության ստորաբաժանումների կողմից ձեռնարկված համալիր օպերատիվ-հետախուզական արդյունավետ միջոցառումների, ինչպես նաև ՀՀ ազգային անվտանգության ծառայության քննչական դեպարտամենտի ծառայողների կողմից իրականացված մեծածավալ քննչական և դատավարական գործողությունների արդյունքում բացահայտվել են առանց հատուկ թույլտվության /լիցենզիայի/ լիցենզավորման ենթակա ապօրինի ձեռնարկատիրական գործունեության արդյունքում, ինչպես նաև խաբեության եղանակով պետությանը առանձնապես խոշոր չափերի վնաս պատճառելու դեպքեր:

Մասնավորապես՝ ձեռնարկված միջոցառումների արդյունքում պարզվել է, որ ՀՀ արդարադատության նախարարության իրավաբանական անձանց պետական ռեգիստրում 2010 թ. դեկտեմբերի 29-ին գրանցված «Օնիրա Քլաբ» ՍՊ ընկերության իրավասու անձինք, գիտակցելով 2013 թվականի դեկտեմբերի 28-ին ընդունված «Շահումով խաղերի և խաղատների մասին» ՀՀ օրենքի 6-րդ հոդվածի 3-րդ մասի երկրորդ պարբերության «ա», «բ», «գ» ենթակետերի ուժով 2014 թվականի հունվարի 1-ից հետո խաղատուն և /կամ/ շահումով մեքենայացված խաղ և /կամ/ անմիջականորեն /խաղասրահի միջոցով/ ինտերնետ շահումով խաղ բացառապես կրթական և պատմամշակութային օջախներից, պետական և տեղական ինքնակառավարման մարմինների վարչական շենքերից, հիվանդանոցներից Հայաստանի Հանրապետության կառավարության սահմանված հեռավորությամբ՝ Կոտայքի մարզի Ծաղկաձոր, Վայոց Ձորի մարզի Ջերմուկ, Գեղարքունիքի մարզի Սևան, Սյունիքի մարզի Մեղրի համայնքների վարչական սահմաններում, Երևան քաղաքի «Զվարթնոց» օդանավակայանի տարածքում կազմակերպելու, ինչպես նաև Հայաստանի Հանրապետության կառավարության կողմից հավանության արժանացած 40 միլիարդ դրամից ավելի ներդրումային ծրագրի դեպքում՝ Հայաստանի Հանրապետության կառավարության սահմանված վայրերում և չափանիշներին համապատասխան գործունեություն իրականացնելու հնարավորության հանգամանքի մասին, արտոնյալ պայմաններով գործունեությունը նույն վայրում շարունակելու, շահումով խաղերի բնագավառում մենաշնորհային դիրք զբաղեցնելու և ՀՀ կառավարությանը խաբեությամբ առանձնապես խոշոր չափերի գույքային վնաս պատճառելու դիտավորությամբ, թաքցնելով իրական փաստերը, խաբեության եղանակով՝ մինչ այդ «Օնիրա Քլաբ» ՍՊ ընկերության և նրա հիմնադիրների ու մասնակիցների կողմից կառուցված և 2011թ. հունվարի 19-ին ՀՀ անշարժ գույքի կադաստրի պետական կոմիտեում պետական գրանցում ստացած ընդհանուր 13.3770 հա մակերեսով ժամանցի վայրերը, ինչպես նաև արդեն իսկ գործող «Շանգրի Լա» խաղատունը, ներկայացնելով որպես վերը նշված ծրագրի շրջանակներում 61.146.139.340 մլրդ ՀՀ դրամի ներդրման արդյունքում կառուցված շինություններ և 500 աշխատատեղով բացված ժամանցի վայրեր, մոլորության մեջ են գցել պատկան մարմիններին, ինչի արդյունքում ծրագիրն ստացել է ՀՀ կառավարության հավանությունը և 2013 թ. դեկտեմբերի 26-ի 1477-Ա որոշմամբ թույլատրվել է նույն վայրում շարունակել գործունեությունը, որի հետևանքով պետությունը զրկվել է փաստացի առանձնապես խոշոր չափերի՝ 40 միլիարդ ՀՀ դրամի չափով ներդրում ստանալու հնարավորությունից:

Այնուհետև, «Օնիրա Քլաբ» ՍՊ ընկերության իրավասու անձինք, օգտվելով խաբեության արդյունքում ՀՀ կառավարության կողմից ընձեռնված հնարավորությունից, 2013 թ. դեկտեմբերի 27-ին ստացել են ՀՀ Կոտայքի մարզի գյուղ Վերին Պտղնի, Երևան-Աբովյան խճուղի թիվ 5 հասցեում գտնվող հանգստի և ժամանցի կենտրոնում, շահումով խաղերի, խաղատների գործունեություն իրականացնելու վերաբերյալ ԽՏ-001 լիցենզիան, որից հետո, անտեսելով շահումով խաղերի, խաղատների գործունեությունը խաղատան կամ շահումով խաղերի կազմակերպման գործունեությունը միայն լիցենզիայում նշված վայրում /հասցեում/ կազմակերպելու մասին «Շահումով խաղերի, ինտերնետ շահումով խաղերի և խաղատների մասին» ՀՀ օրենքի 6-րդ հոդվածի 2-րդ կետի «ա» ենթակետի պահանջները, խախտելով «Պետական տուրքի մասին» ՀՀ օրենքի 19-րդ հոդվածի 14-րդ կետի 14.3. ենթակետի, «Հարկերի մասին» ՀՀ օրենքի 26-րդ հոդվածի պահանջները, առանց հատուկ թույլտվության (լիցենզիայի) լիցենզավորման ենթակա գործունեություն իրականացնելու դիտավորությամբ նույն տարածքի մեկ այլ վայրում, ստացված լիցենզիայի անվան տակ՝ առանց հատուկ թույլտվության (լիցենզիայի), 2014 թվականից 2020 թվականներն ընկած ժամանակահատվածում իրականացրել են խաղատան և շահումով խաղերի կազմակերպման լիցենզավորման ենթակա գործունեություն, որի արդյունքում պետությանը պատճառվել է առանձնապես խոշոր չափերի՝ 29.750.000.000 ՀՀ դրամի վնաս:

Փաստի առթիվ ՀՀ ԱԱԾ քննչական դեպարտամենտում 2020 թվականի հունիսի 13-ին ՀՀ քրեական օրենսգրքի 188-րդ հոդվածի 3-րդ մասի 1-ին կետի և ՀՀ քրեական օրենսգրքի 184-րդ հոդվածի 2-րդ մասի 1-ին կետի հատկանիշներով հարուցվել է քրեական գործ, կատարվում են անհետաձգելի քննչական և այլ դատավարական գործողություններ՝ հանցավոր սխեմայում ներգրավված անձանց շրջանակը պարզելու, նրանց արարքին քրեաիրավական գնահատական տալու, ինչպես նաև պետությանը պատճառված վնասը հատուցելու ուղղությամբ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով:

Խուզարկել են Իշխան Զաքարյանի առանձնատունը, առգրավել փաստաթղթեր և նրան տարել ԱԱԾ Հասարակական

Կիր, 06/14/2020 - 12:59

ԵՐԵՎԱՆ, ՀՈւՆԻՍԻ 14, 24News

Մամուլում շրջանառվող տեղեկության համաձայն՝ վաղ առավոտյան ԱԱԾ աշխատակիցները ներխուժել են ՀՀ Վերահսկիչ պալատի նախկին նախագահ Իշխան Զաքարյանի առանձնատուն, փնտրել 2017 թվականի ԱԺ ընտրությունների վերաբերյալ թղթեր, առգրավել ինչ-որ փաստաթղթեր, ապա Իշխան Զաքարյանին տարել ԱԱԾ։

2017 թվականին Իշխան Զաքարյանը եղել է «Ծառուկյան դաշինքի» շտաբի պետ:

Ավելի վաղ հայտնել էինք, որ վաղ առավոտից ԱԱԾ աշխատակիցները խուզարկություն են իրականացնում նաև ԲՀԿ ղեկավար Գագիկ Ծառուկյանի և կուսակցության տարբեր գրասենյակների ու գործիչների առանձնատներում, հստակ տեղեկություն կա Գեղարքունիքի մարզում անցկացվող խուզարկություների մասին:

Նշենք, որ այս պահին ԲՀԿ ղեկավար Գագիկ Ծառուկյանը ևս ԱԱԾ-ում հարցաքննության է: Նախքան հարցաքննության գնալը՝ Ծառուկյանը հայտարարել է, որ սա քաղաքական հետապնդում է. «Ես այսօր ասում եմ ձեզ՝ որպես Ծառուկյան Գագիկ՝ անբարոյականի տղա լինեմ, թե հետ կանգնեմ»:

суббота, 13 июня 2020 г.

ՀՐԱՅՐ ԹՈՎՄԱՍՅԱՆԸ ՈՐՈՇԵԼ Է ՄԻՆՉԵՎ ՀՈՒԼԻՍԻ 10-Ը ԱԶԱՏ ԱՐՁԱԿԵԼ ՔՈՉԱՐՅԱՆԻՆ

Կորոնովիրուսի դեմ պայքարի աղմուկի տակ, անկախ ՄԻԵԴ և Վենետիկի հանձնաժողովների բացասական եզրակացությունների ՍԴ Նախագահ Հրայր Թովմասյանը որոշել է մինչև հուլիսի 10-ը կարճել և ազատ արձակել Ռոբերտ Քոչարյանին։

Այդ մասին մեզ հայտնեցին Հրայր Թովմասյանի մերձավոր շրջանակներից։

Ըստ նույն աղբյուրի, Քոչարյանին ազատ արձակելու որոշման նախապատրաստման գաղտնիությունը ապահովելու համար Հրայր Թովմասյանի հրահանգով ամբողջ ՍԴ կազմին, կորոնովիրուսի պատրվակով արգելվել է մուտք գործել ՍԴ շենք։

Սակայն անկախ արգելքից գրեթե ամեն օր այնտեղ են Քոչարյանին ազատ արձակելու որոշման վրա աշխատողները, ըստ աղբյուրի դրանք են՝ ՍԴ նախագահ Հրայր Թովմասյանը, ՍԴ նախագահի խորհրդականներ Գրիգոր Մուրադյանը, Վարդան Պողոսյանը և օգնական Ռուզաննա Աբրահամյանը։

Աղբյուրը պնդում է, որ այս պահին ՍԴ դատավորներից ամենայն հավանականությամբ Քոչարյանին ազատ արձակելու որոշման նախապատրաստության մասին գիտեն և ներգրավված են դրա մեջ ՍԴ դատավորներ Արևիկ Պետրոսյանը և Ալվինա Գուլումյանը, իսկ նրանց օգնում են Վարչապետին իրավական խորհուրդներ տվող ՝ ԱԺ մեկ պատգամավոր և մեկ նախարար։

Հիշեցնեմ, որ Հրայր Թովմասյանը կասեցրել էր Քոչարյանի գործը և դիմել էր ՄԻԵԴ և Վենետիկի հանձնաժողով Քոչարյանի գործով եզրակացություն ստանալու համար:

ՄԻԵԴԻ պատասխանը արդեն իսկ ստացվել է ի վնաս Քոչարյանի:

Վենետիկի հանձնաժողովը արդեն իսկ բանավոր հայտնել է իր կարծիքը, որը ըստ աղբյուրի նույնպես բացասական է Քոչարյանի համար, սակայն գրավոր կարծիքը դեռ ՍԴ-ն չի ստացել:

Միայն այն հանգամանքը, որ առանց Վենետիկի հանձնաժողովի եզրակացությունը ստանալու , այն թարգմանելու, Հրայր Թովմասյանը ձեռնամուխ է եղել Քոչարյանին ազատ արձակելու որոշման կայացմանը ինքնին վկայում է դրա առերևույթ անօրինական լինելու մասին։

Աղբյուրը նաև հայտնում է, որ Վենետիկի հանձնաժողովը ՀՀ սահմանադրության անցումնային 213-րդ հոդվածի հետ կապված հայտնել է, որ ՍԴ այս հոդվածը, որը երաշխավորել է ՍԴ ներկայիս անդամների ցմահ պաշտոնավարումը, Սահմանադրության փոփոխման ժամանակ Վենետիկի հանձնաժողով չի ներկայացվել, հանձնաժողովը դրա մասին կարծիք չի հայտնել, այլ ավելացվել է Վենետիկի հանձնաժողովի կարծիքը ստանալուց հետո:

Ինչը նշանակում է, որ ԱԺ-ն կարող է հանգիստ կատարել ՍԴ փոփոխությունը և Հրայր Թովմասյանը և ՍԴ ներկայիս անդամների պաշտոնավարմանը մնացել են հաշված օրեր:

Աղբյուրը նաև պնդում է, որ հենց այս պատճառով էլ, առկա է հիմնավոր կասկած, որ Քոչարյանին ազատ արձակելու որոշման կայացումից հետո Հրայր Թովմասյանը, վերը նշված աշխատակիցները և դրան կողմ քվեարկած յոթ դատավորներ ժամերի ընթացքում պատրաստվում են լքել Հայաստանը ժողովրդի ցասումից և վերահաս քրեական պատասխանատվությունից խուսափելու նպատակով։

Կարծում եմ իշխանությունը պետք է արագ քայլեր ձեռնարկի Հայաստանի Հանրապետությունից հերթական առերևույթ հանցագործների փախուստը և արդարադատության դեմ հերթական ոտնձգությունը կանխելու նպատակով։

Աստված պահապան Հայ Ժողովրդին։

Արտակ Գալստյան

пятница, 12 июня 2020 г.

Արտակարգ դեպք Երևանում գործող «Ծղոտներ» հյուրանոցային համալիրում. ժամանել են մեծ թվով «կարմիր բերետներ». կան բերման ենթարկվածներ

12.06.2020 | 23:24

119 Կարդալու տևողությունը՝ մինչև 1 րոպե

SHAMSHYAN.com-ի տեղեկություններով՝ ոստիկանության կենտրոնական բաժնի հետաքննչական բաժանմունքում նյութեր են նախապատրաստվում Երևանում տեղի ունեցած միջադեպի փաստով:

Ինչպես հայտնում է ֆոտոլրագրող Գագիկ Շամշյանը, ոստիկանության կենտրոնական բաժին ահազանգ է ստացվել, որ Զավարյան փողոցի 91 հասցեում գործող «Ծղոտներ» հյուրանոցային համալիրում ծեծկռտուք է տեղի ունենում:

Դեպքի վայր են մեկնել ոստիկանության կենտրոնական բաժնի օպերատիվ խումբը և ոստիկանության Երևան քաղաքի վարչության ՊՊԾ գնդի 1-ին գումարտակի 1-ին վաշտի ծառայողները:

Վերջիններս պարզել են, որ Երևանի բնակիչներ, 28-ամյա Վահագն Ս.-ն և 23-ամյա Գուրգեն Պ.-ն նշված հյուրանոցային համալիրում չեն կարողացե վճարել հաշիվը և ցանկացել են հեռանալ, սակայն անվտանգության աշխատակից, Երևանի բնակիչ, 31-ամյա Սարգիս Ա.-ն փորձել է կանխել նրանց հեռանալը, որի ժամանակ կոտրել է Վահագն Ս.-ին պատկանող ավտոմեքենայի հետևի աջ ապակին, որից հետո Սարգիս Ա.-ն Վահագն Ս.-ին ապօրինի ազատությունից զրկել է, պահել հյուրանոցային համալիրում, որի ժամանկ էլ հարվածներ է հասցրել նրա մարմնի տարբեր մասերին:

Ոստիկանները Սարգիս Ա.-ին և Գուրգեն Պ.-ին հրավիրել են ոստիկանության կենտրոնական բաժին:

Հետաքննիչի որոշմամբ նշանակվել է դատաբժշկական փորձաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

воскресенье, 7 июня 2020 г.

Որպեսզի լավ հասկանանք, թե ինչ աննկարագրելի փչացած քաղաքական համակարգ է ձևավորված եղել Հայաստանում։ ՌՈՒԲԵՆ ՌՈՒԲԻՆՅԱՆ

Ռուբեն Ռուբինյան

Որպեսզի լավ հասկանանք, թե ինչ աննկարագրելի փչացած քաղաքական համակարգ է ձևավորված եղել Հայաստանում հեղափոխությունից առաջ և թե ինչ աննկարագրելի փչացած են շարունակում մնալ այդ համակարգի որոշ բեկորներ, բավական է ֆիքսել ընդամենը մեկ իրողություն․

Ամբողջ աշխարհում համաճարակ է՝ իր բոլոր ուղեկցող դժվարություններով։

Հայաստանում համաճարակի աճի տեմպը մեծացել է, վարակված է նաև վարչապետ Փաշինյանը՝ ամբողջ ընտանիքով։

Իշխանությունն ու բազմաթիվ գիտակից քաղաքացիներ անում են ամեն ինչ՝ ամրացնելու ու ավելի արդյունավետ դարձնելու համար հակահամաճարակային պայքարը։

Իսկ այդ միջոցին ինչո՞վ են զբաղված որոշ շատ կոնկրետ ուժեր։ Սկսել են պահանջել կառավարության փոփոխություն։ Հակահամաճարակային պատերազմի ամենաթեժ պահին, երբ վարակված է նաև վարչապետը՝ կառավարության ու վարչապետի փոփոխություն։ Սկսել են շահարկել Արցախի հարցը՝ առանց ամոթի որևէ նշույլի։

Այսօր, պարզվում է, խոսել է նաև Ծառուկյան Գագիկը։ Նա գուժել է երկրի կործանումը, խոսել է նաև Արցախի մասին և պատրաստակամություն հայտնել երկիրը իշխանություններից փրկելու համար համագործակցել ցանկացած քաղաքական ուժի ու անհատի հետ։

Առաջ, պարոն Ծառուկյան, ՀՀԿ-ն ու ՕԵԿ-ը սպասում են ձեզ։ Կարող եք սպասել մինչև մարտի 1-ն ու նոր համախմբվել, որ ավելի խորհրդանշական լինի։

Որպես պատգամավոր՝ բացարձակ զարմացած չեմ, բայց որպես քաղաքացի՝ չեմ թաքցնի, ուղղակի ապշած եմ այս երեսպաշտության մասշտաբներով։

Կորոնավիրուսի համաճարակը մենք, վստահաբար, կհաղթահարենք՝ ի հեճուկս բոլորի, ու դրանից հետո գալու է հիշելու ու վերհիշելու ժամանակը՝ թե ով իրեն ինչպես է պահել պատասխանատու պահին։

суббота, 6 июня 2020 г.

Հրազենի գործադրմամբ սպանություն Երևանում. 38–ամյա տղամարդու վրա հայտնաբերվել են կրակոցի բազմաթիվ հետքեր. իրավապահների աշխատանքը խոչընդոտելու համար մի քանի հոգի «ասֆալտին փռվելով»՝ բերման են ենթարկվել. ՖՈՏՈՌԵՊՈՐՏԱ

Հրազենի գործադրմամբ սպանություն Երևանում. 38–ամյա տղամարդու վրա հայտնաբերվել են կրակոցի բազմաթիվ հետքեր. իրավապահների աշխատանքը խոչընդոտելու համար մի քանի հոգի «ասֆալտին փռվելով»՝ բերման են ենթարկվել. ՖՈՏՈՌԵՊՈՐՏԱԺ

2020.06.07 10:28 4563 դիտում

Այսօր՝ հունիսի 7-ին, հրազենի գործադրմամբ սպանություն է տեղի ունեցել Երևանում: Ժամը 23:55-ի սահմաններում ոստիկանության Երևան քաղաքի վարչություն ահազանգ է ստացվել անհայտ քաղաքացուց, որ Շենգավիթ վարչական շրջանի Սողոմոն Տարոնցի փողոցում կրակոցներ են հնչում:

Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել է ոստիկանության Երևան քաղաքի վարչության օպերատիվ խումբը՝ վարչության պետ Արմեն Գասպարյանի, վարչության պետի օպերգծով տեղակալ Արթուր Զաքարյանի գլխավորությամբ:

Օպերատիվորեն ժամանել են նաև ոստիկանության Շենգավիթի բաժնի ծառայողները՝ բաժնի պետ Արթուր Շմավոնյանի գլխավորությամբ:

Օպերատիվորեն դեպքի վայր ժամանած Երևանի 1-03 շտապօգնության բժիշկները արձանագրելե են նրար մահը:

Ոստիկանները նշված փողոցում՝ դեղատան դիմաց, հայտնաբերել են տղամարդու դի, ովքեր պարզել են, որ մահացածը նույն փողոցի բնակիչ, 38-ամյա Թելման Կարապետյանն էր, ով, ըստ դատաբժշկի նախնական եզրակացությամբ՝ մահացել է հրազենից արձակված կրակոցներից:

Դեպքի վայր է ժամանել Հայաստանի քննչական կոմիտեի Երևան քաղաքի քննչական վարչության Շենգավիթի քննչական բաժնի խումբը՝ բաժնի պետ Ռոբերտ Վարդանյանի գլխավորությամբ:

Հաշվի առնելով հանցագործության վտանգավորության աստիճանը, առաջին պահից դեպքի վայր է ժամանել նաև Շենգավիթ վարչական շրջաի դատախազ Գևորգ Գևորգյանը:

Քննիչները, կատարելով դեպքի վայրի զննություն, սպանվածի մոտ՝ 50 մետր հեռավորության վրա, տարբեր հատվածներում, հայտնաբերել են ատրճանակից արձակված պարկուճներ և գնդակներ:

Դեպքի առթիվ Շենգավիթի քննչական բաժնի պետ Ռ. Վարդանյանի որոշմամբ ստեղծվել է քննչական խումբ և խմբի ղեկավարի որոշմամբ փաստի առթիվ հարուցվել է քրեական գործ՝ ՀՀ քր օր-ի 104 հոդվածի 1-ին մասի (սպանություն) և 235 հոդվածի 1-ին մասի (ապօրինի զենք-զինամթերք կրելը, պահելը, օգտագործելը)/ հատկանիշներով:

Դեպքի վայրում աշխատել են նաև ՀՀ ոստիկանության փորձաքրեագիտական վարչության փորձաքրեագետները:

Կրակոցների հետևանքով վնասվել է նաև օբյեկտներից մեկի ապակին:

Ֆոտոլրագրողը հայտնում է, որ մինչ դեպքի վայրի զննություն էին կատարում Շենգավիթի քննիչները, ոստիկանության Շենգավիթի բաժին է ներկայացել նույն փողոցի բնակիչ, 32-ամյա Արթուր Մադոյանը և հայտնել, որ սպանությունը կատարել է ինքը՝ «Մակարով» տեսակի ատրճանակով և ներկայացրել է հանցագործության գործիք ատրճանակը:

Ֆոտոլրագրողը հայտնում է նաև, որ մինչ դեպքի վայրում ծառայություն էին կատարում ոստիկանները՝ սահմանազատելով տարածքը, մի խումբ երիտասարդներ դեպքի վայրում ակնհայտ անհարգալից վերաբերմունք էին ցուցաբերում հասարակության նկատամամբ, հնչեցնում սպառնալիքներ ու հայհոյանքներ: Ոստիկանները մի քանի անգամ նրանց զգուշացրեցին, որպեսզի նախ կատարեն ՀՀ փոխվարչապետ, պարետ Տիգրան Ավինյանի որոշումները, այն է ՝ կրեն պաշտպանիչ դիմակ, պահպանեն սահմանված հեռավորություն, բայց այդ երիստասարդները շարունակում էին լկտի պահվածք ցուցաբերել, ինչից հետո ոստիկաններն ու դեպքի վայր ժամանած ոստիկանության Երևան քաղաքի վարչության ՊՊԾ գնդի «կարմիր բերետները»՝ Միքայել Այվազյանի գլխավորությամբ, մի քանիսին «ասֆալտին փռելով»՝ բերման ենթարկեցին ոստիկանության Շենգավիթի բաժին, ինչից հետո նոր միյան քննիչները կարողացան առանց խոչընդոտի կատարել դեպքի վայրի տեղազննություն:

Գ. Շամշյանի տեղեկություններով՝ սպանվածն ու սպանություն կատարողը ճանաչել են միմյանց, սակայն, թե ինչն է եղել սպանության դրդապատճառը, նախաքննության շահերից ելնելով, այս պահին որոշ մանրամասներ չենք հրապարակում:

Դեպքի վայր է ժամանել նաև Երևանի ճանապարհային ոստիկանության պետ Վահան Էվինյանը, ում կարգադրությամբ տեղում ուժեղացված ծառայություն էին կատարում ՃՈ 1-ին սպայական գումարտակի գիշերվա 1-ին հերթափոխի ծառայողները՝ հերթափոխի պատասխանատու հերթապահ Արմեն Գրիգորյանի գլխավորությամբ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Գագիկ Շամշյանի

Ֆոտոռեպորտաժ